Eusko Alkartasunak EAren Gipuzkoako Lurralde Batzordea eratu du, Mikel Arreseigor lurralde-koordinatzailea buru. Berarekin batera Garazi López de Etxezarreta, Iñaki Ostolaza eta Joxe Mari Mitxelena izango dira bokal gisa, baita Iker Intza ere antolaketa-arduradun gisa eta Ione Mugertza Gazte Abertzaleen ordezkari gisa.
Mikel Arreseigor Eusko Alkartasunako Gipuzkoako lurralde koordinatzaileak adierazi duenez, “Gipuzkoak erronka demografikoari bi aldeetatik aurre egitea ezinbestekoa da. Alde batetik, gure adinekoei bizitza duina bermatzea da helburu, gizarte-zerbitzu gehiago eta hobeekin, EAJk egin ohi dituen murrizketa eta pribatizaziorik gabe”.
“Bestalde, gazteek bizi-proiektu bat garatu ahal izatea bermatu behar da. Horretarako laneko prekarietateari amaiera eman behar zaio eta alokairuaren gehiegizko prezioari aurre egiteko benetako neurriak hartu behar dira. Gipuzkoa da Estatuko m2 bakoitzeko preziorik garestiena duen lurraldea, Gipuzkoako gazteek ia ezinezkoa dute emantzipatzea eta Eusko Jaurlaritzaren Gaztelagun bezalako programek porrot egin dute”, adierazi du Mikel Arreseigorrek.
- Koordinatzailea: Mikel Arreseigor Astibia (Tolosa, 1982)
Ogibidea:Administraria
Ikasketak: Administrazioa eta finantzak. Ostalaritza eta turismoa. - Bokal: Garazi Lopez de Etxezarreta (Errenteria, 1977)
Ogibidea: Kultura arloko langilea eta zinegotzia.
Ikasketak: Artearen historian lizentziatua. - Bokal: Iñaki Ostolaza Esnal (Zumaia, 1968)
Ogibidea: Enpresaria eta alkate.
Ikasketak: Ingeniari teknikoa. - Bokal: Joxe Mari Mitxelena Cazabon (1958, Oiartzun)
Ogibidea: Jubilatua. - Gipuzkoako Antolakuntza arduraduna: Iker Intza Ortiz de Zarate (Bergara, 1987)
Ogibidea: Administraria eta finantzak.
Ikasketak:Eraikuntza eta Obra Zibila. - Gazte Abertzaleakeko ordezkaria: Ione Mugertza Egaña (Zumaia, 1994)
Ogibidea: Ingeniaria.
Ikasketak: Ingeniari ikasketa
