Unai Ziarreta Eusko Alkartasunako presidenteak asteburu honetan herri kontsultaren alde egingo diren ekitaldietan parte hartzeko dei egin dio gaur euskal gizarteari eta horrela, Zapaterori erantzunez, herri honi mozala ipini nahia salatu dezala. Hirukoak eta Aralarrek larunbatean deituriko elkarretaratzeetan parte hartuko du EAk baina hori ez ezik, igandean ere kontzentrazioa egingo du Lizarran autodeterminazioa eta lurraldetasuna aldarrikatzeko.
Unai Ziarreta EA alderdiko presidenteak kontsultaren alde larunbatean eta igandean izango diren ekitaldietan parte hartzeko deialdia luzatu du, Jose Luis Rodriguez Gobernuko espainiarreko presidenteak ezarri nahi duen “mozala”ri erantzuna emateko.
Halaber, adierazi duenez, “salaketa ez da amaituko” egun horretan, baizik eta “urrats bat gehiago” izan behar da. EAko buruak erabakitzeko eskubidean inguruan hiritarren “inplikazioa” duen “garrantzi handia” nabarmendu du, Rodriguez Zapaterok eta Auzitegi Konstituzionalak “herri honi mozala bat jartzeko” saiakera “onartezinaren” aurrean.
Hori dela eta, Gernikaren eta Gasteizen artean “mozala” horren aurka izango diren sei elkarretaratzetan parte hartzeko deialdia luzatu die herritarrei. Halaber, Euskal Autonomia Erkidegoko Justizia Auzitegi Nagusiak, “ulertezina” bada ere, onartu duen Falangeren elkarretaratzeak Gasteizen eragin lezakeen probokazioari kasurik ez egiteko.
EAko presidenteak gogoratu duenez, Eskualdeen europar Batzordearen arabera “arazoak konpontzeko kontsultak eta erreferendumak bultzatzea baliozko tresnak dira” eta PPk eta PSOEk babestu zuten arren, “gero hemen kontrako jarrerak hartzen dituzte”.
Herriaren erabakitzeko eskubidearen alde “berezko ekintzak” izateko asmoz, alderdiak bere agintariak igandean bilduko ditu erabakitzeko eskubidea eta lurraldetasuna defendatzeko, 12:00etan, Lizarrako Foruen Plazan. Ziarretaren aburuz, bi kontzeptu horiek “erabat lotuta daude”.
Lotura: Albistea EITB24an
Jatorria: EP/EITB24
